دراسة نقدية لمجموعة المبدع القدير السيد حسن القصصية فيما يرى الفاهم بقلم د. إيمان حجازي

 

 إختار كفن

...

 إختار كفن

 كستور.. حرير.. دمور ..وبر

 إخترت أقدم جلابيه في

 الدولاب اللي صبر ..

على فتح ويا القفل بالكف اللي

 كرمش جلدها 

مين م الأطبا ف يوم..

هايقدر تاني إنه يشدها

من بعد ما العمر الطويل بيا عبر

إختار كفن

كستور..حرير..دمور..وبر

 إخترت في أول قميص اخترته

 من عهد الصبا

 أيام ماكانت كل حاجه طيبه

 والنهر شايل ليا دايما مركبه

 والليل ما كانشي طويل كده

 والنوم بييجي في الميعاد

 جايب معاه الفجر حاضن في الندى

 ومفيش عدا..ومفيش عطش

 ومفيش سنين في العمر ناويه تتلطش

 ومفيش خلاف بين البشر

 واللي ما زال بيبيع ..جبر

 إختار كفن

 كستور.. حرير ..دمور.. وبر

 إخترت توب أمي اللي لسه ريحتها فيه

 إسود بلون فحمي عتيق

 شايفه يليق على دفنتي ويا اللي مات..

 من مده.. لكن قد ايه ..

ما اعرفش في الأيام..

 لأني من زمان..نايم وصاحي باحتضر

 محتاج كفن 

كستور..حرير ..دمور.. وبر

 إخترت فستانك يا ست الكل..

 لاجل أعود عريس 

،،ميد إن باريس،، ..سلمون ..

محلة روح..أجا

هو النجا..

من سجن ضى المولى فيه

 هو اللي لسه،، بصمتي،،..

 ليلة الزفاف باينه عليه

 هو اللي واضح في الصور

 إختار  كفن

 كستور ..حرير.. دمور..وبر

 إخترت بالطو كان أبويا في يوم

 بيدفي تملي فيه

 بصيت عليه ..

هو مقاسي بعد وزني ما زاد كثير

من جوخ إيراني

بلون فيراني..و جيب براح

القبر مش محتاج سلاح

 محتاج كفن.. يصبح مريح ع الميتين  

ممنوع يكون ضيق.. لا يخنق في الجثث

 وانت اللي عارف طبع ابوك 

كان اختياره لكل حاجه رخيصه

 تتحمل  وجوده علي القهاوي كلها

الجيل دا ناسه ..مفيش شبهها..و مثلها

بالطو عتيق

علي دمع ابويا في الحياه..أيوه صبر

إختار كفن

كستور..حرير..دمور..وبر

إخترت طرحة عمتي

يمكن في يوم ترقيني..

بعد الموت ما خدها من زمن

كانت عشان قلبي وطن

 وحنانها كان فايض على كل الجهات

 الكل مات 

إلاها ..هي وأمي.. والأب الحنون

 الدنيا كانت،، كن.. يكون،، 

والعون بييجي قبل حتى ما نطلبه

 والكل عارف مطلبه ..من كل شيء 

كان فيه طريق..

 تقدر في كل دقيقه تمشي بحب فيه 

تتداري في نخله اللي طال.. لو فيه مطر

 إختار كفن

 كستور.. حرير.. دمور.. وبر

إخترت رايتك يا حبيبه مقدسه

 يا اللي انت كنت الدار عمار.. والمدرسه 

ومهندسه وقت البنا 

قادره تشيلي الطوب إذا الشيال تعب..

 أو قل جهده و انحنى 

آه يا ،،مدد،،.. متلحنه

 إخترت رايتك يا طريق ..

لا فيه مطب ندوس عليه..أو منحنى

و أتيت إليكي بدون ما اكون..

 محتاج لشيء غير الرضا 

على شط بحرك يا حبيبتي.. 

لمحت في شبح العدا

قلبي بكي

و عبرت يا طاهره بكي

 ويا الصديق اللي عبر

 إختار كفن 

كستور.. حرير..دمور..وبر 

إختاري ليا انتي الكفن

إختاري ليا انتي الكفن

...

أشعار

القدير

إبراهيم رضوان

تعديل المقال