.jpeg)
(عامية مصرية)
؛؛؛؛؛؛؛
ولِسّا الحِلو مُش لينا
ولِسّا الحِلمِ مُش لِينا
ولِسّا الجَرح
فَوقِ الجَرحِ
يا بلادِى
بيِكوِينا
بِنِكدِب
لو نِقِولِ الصِّدقِ
فِ بلادنَا صَبَح مَسمُوع
ونِكدِب
لو نِقُولِ العِشقِ
فِ قلوبنا
مَ هُوش مَوجُوع
ونِكدِب
لو نُقُولِ الحَقِّ
فِ درُوبنا
مَكَانِ التَّابِعِ الصَّامِت
صَبَح مَتبُوع
ونِكدِب
لو نِقُولِ التَّاجِرِ الفَاجِر
طَوَاهِ الجُوع
ونِكدِب
لو نِقُولِ العِلم بِيبَارِك
خَطَاوِينَا
ونِتمَنَّى
كَمَا طَالِتِ
كَبَارِينَا
وزَيّ مَ بَاظِتِ الطَبخَه
على إدِينَا
وزَيّ مَ ثُورنَا
وِهدِينَا
نِكُون جِيشهَا
وحَرَافِيشها
وعُشَّاقهَا
و دَرَاوِيشهَا
نِكُون البَلسَم الشَّافِى
فِ يُومِ الزَحف
نِهدِيهَا
و تِهدِينَا
...
كلمات
رمزي حلمي لوقا
مارس ٢٠٢٢